Margrét J. Pálmadóttir

Var stofnandi Kvennakórs Reykjavíkur og stjórnaði honum frá upphafi til haustsins 1997. Hún hóf tónlistarferil sinn í Hafnafirði þar sem hún söng með Kór Öldutúnsskóla og kirjukór Hafnarfjarðarkirkju. Hún stundaði söngnám hjá Elísabetu Erlingsdóttur í Tónlistarskóla Kópavogs, í Vínarborg, Söngskólanum í Reykjavík og á Ítalíu. Leiðbeinendur hennar voru meðal annarra Svanhvít Egilsdóttir, Þuríður Pálsdóttir, Linda Pagliughi og Eugenia Ratti. Margrét starfaði sem raddþjálfari Pólýfónkórsins og Söngsveitarinnar Fílharmoníu auk ýmissa annarra kóra. Auk Kvennakórs Reykjavíkur stofnaði hún og stjórnaði Kór Flensborgarskóla, Starfsmannakór SFR, Vox feminae, Barnakór Grensaáskirkju og Stúlkna- og Telpnakórum Reykjavíkur. Starfandi kórar í dag undir stjórn Margrétar eru: Gospelsystur, Vox feminae, Stúlknakór Reykjavíkur og Aurora.

 

 

Til baka á aðalsíðu